Kondisión uvligatoria.-

Dhojá desidió un día de ir al charshí a emplear. Salió una vizina, le disho: “Así biva Dhojá, ya stas indo al charshí, tráeme un par de kalsas!”.
Salió otra vizina y disho: “Addío i yo kero un par de charukas!”. Kada vizina ke supo ke Dhojá se iva ir al charshí, le demandó ke le trayga una kosa.
Al kavo salió un ijiko, le disho:”Tengo un metalik. Tómalo y mérkame un chuflete!”.
Dhojá partió. Kuando tornó a las oras de tadre, kada uno demandó por las kosas ke encomendó.
El kitó de l’aldikera el chuflete, se lo dio al ijiko i le disho a las vizinas: “Parayí verén düdüyü chalar (proverbio turco)! El ke da las parás (dinero) chufla en el chuflete! Si vozotros dabas las parás, ivash a resivir vuestra komanda!”.

(Kontado por Malka Simha – 1988)

Dhojá iba a mercado y las vecinas que se enteraron empezaron a pedirle encargos, pero solo un niño le dio el dinero para un pito. Cuando Dhojá regresó todas las vecinas le pedían su encargo, pero él solo sacó el pito del niño y les dijo: Solo los que dieron su dinero pitarán el pito.