EL CAN DE TRIESTE

Xe tanti ani ormai

che son lontan de ti

vecia Trieste mia

son restà solo e

gavevo voia de

voia de compagnia

E alora Trevisan

el ga mandà un bel can

nato in un'osteria

però quel fiol de un can

quel fiol de un can de un can

el iera sempre triste

no'l me fazeva mai le feste

gnanche a mi che son el suo paròn

alora go mandà una cartolina

una cartolina de protesta

alora el mulo Trevisan me ga risposto

el me ga spiegà perché:

SOLO DAVANTI A UN FIASCO DE VIN

QUEL FIOL DE UN CAN FA LE FESTE

PERCHE' XE UN CAN DE TRIESTE

PERCHE' XE UN CAN DE TRIESTE

DAVANTI A UN FIASCO DE VIN

QUEL FIOL DE UN CAN FA LE FESTE

PERCHE' XE UN CAN DE TRIESTE... E GHE PIASI EL VIN

Da qualche mese in qua

a bever go imparà

come un fachin de porto

e in stà maniera so

che un giorno sentirò

la mia campana a morto

ma chi se... hic... pardòn

che i fazi pur din don

se morirò contento

perché quel fiol de un can

quel fiol de un can de un can

el xe cussì beato

adesso el me leca come un mato

perché spuzo sempre più de vin

e so che'l me vol ben che go un amico

per la prima volta in vita mia

a mi me basta un ano de sta bela vita

e po sarà quel che sarà

SOLO DAVANTI A UN FIASCO DE VIN

QUEL FIOL DE UN CAN FA LE FESTE

PERCHE' XE UN CAN DE TRIESTE

PERCHE' XE UN CAN DE TRIESTE

DAVANTI A UN FIASCO DE VIN

QUEL FIOL DE UN CAN FA LE FESTE

PERCHE' XE UN CAN DE TRIESTE... E GHE PIASI EL VIN

E GHE PIASI EL VIN

VIVA LA E PO' BON

VIVA LA E PO' BON